Concello de Outeiro de Rei

Poboación e Poboamento

A poboación do Municipio de Outeiro de Rei é, de acordo á última rectificación do censo de poboación da que temos datos desglosados efectuada polo Instituto Nacional de Estatística no 2010, de 4936 habitantes (2544 homes e 2392 mulleres). Esta poboación distribúese nas 166 aldeas que forman as 27 parroquias do Concello.

PARROQUIAS	Nº ENTIDADES	EXTENSIÓN KM²	POBOACIÓN NO 2010
PARROQUIAS	Nº ENTIDADES	EXTENSIÓN KM²	HOMES	MULLERES	TOTAL	DENSIDADE
SAN LOURENZO DE AGUIAR (SAN LOURENZO)	4	4.3	59	51	110	25.58
SAN CLODIO DE AGUIAR ( SAN CLODIO)	2	1,9	21	25	46	24.21
ARCOS(S. PEDRO)	6	2,5	40	32	72	28.80
ASPAI (S. CIBRAO)	5	6,9	44	51	95	13.77
BONXE (S. MAMEDE)	9	6,2	179	133	312	50.32
CABOI (S. MARTIÑO)	4	2,5	40	51	91	36.40
CANDAI (S. VICENTE)	8	6,2	35	47	82	13.23
CASTELO DE REI (SAN SALVADOR)	3	1'9	43	41	84	44.21
CELA (STA. MARIA)	10	5,6	131	136	267	47.68
FOLGUEIRA (S. NICOLÁS)	4	4,3	25	24	49	11.40
FRANCOS (SANTIAGO)	3	8,5	41	29	70	8,24
SAN TOMÉ DE GAIOSO (SAN TOMÉ)	3	3,1	14	12	26	8.39
SANTIAGO DE GAIOSO (SANTIAGO)	6	3,6	90	77	167	46,39
GUILLAR (S. MARTIÑO)	12	4,3	441	377	818	190.23
MARTUL(S. PEDRO)	2	5,0	46	52	98	19.60
MATELA (STA, MARÍA MADANELA)	5	3,7	95	78	173	46.76
MOSTEIRO (SAN SALVADOR)	10	8,1	72	67	139	17.16
OUTEIRO DE REI (S. XOÁN)	5	3,2	273	305	578	180.63
SANTA MARIÑA (SANTA MARÍA)	5	2,5	45	51	96	38.40
PARADA (S. XOÁN)	7	6,9	50	38	88	12.75
SAN FIZ DE PAZ (SAN PEDRO FIZ)	12	8,7	101	80	181	20.80
ROBRA(S. PEDRO FIZ)	6	6,9	198	204	402	58.26
SILVARREI (S. XOÁN)	4	5,6	199	190	389	69.46
SOBRADA DE AGUIAR (STA. Mª MADANELA)	8	5	71	71	142	28.40
TABOI (S. PEDRO)	9	3,7	46	37	83	22.43
VICINTE (STA. MARÍA)	7	10,2	57	43	100	9.80
VILELA (SANTIAGO)	7	4,3	88	90	178	41.40
TOTAL	166	134	2544	2392	4936	36.84

Distribución de efectivos demográficos por parroquias

A evolución demográfica de Outeiro de Rei ó longo do século XX obtémola a través dos padróns de habitantes (Arquivo Municipal) e doutras fontes bibliográficas que nos permiten observar dúas etapas claramente diferenciadas. Por unha parte, ata 1930, un crecemento practicamente constante da poboación, pero a partir de entonces a tendencia demográfica vólvese negativa.

Evolución da Poboación de feito (1887 – 2007).

1987	1900	1910	1920	1930	1940	1950	1960	1970	1981	1991	1996	2001	2006	2007
5571	5903	5851	5829	6255	6037	5795	6031	5097	5108	4135	4115	4320	4695	4979

Fonte: Instituto Galego de Estatística.

As causas deste descenso demográfico, a partir dos anos 30, débese a dous factores fundamentalmente: por unha parte ó crecemento vexetativo negativo durante estes anos, ó coincidir unhas taxas de natalidade máis baixas cás de mortalidade.

E, por outra banda, ó fenómeno da migración, especialmente incidente a partir dos anos 50, e do proceso industrializador que xerou unha importante demanda de man de obra. Así atopamos nestes anos centrais do século XX a saída de veciños do municipio en busca de traballo. Nun primeiro momento fundamentalmente cara a América Latina, máis tarde rumbo a Centroeuropa e nos últimos tempos, cara ás cidades máis importantes de Galicia, este fenómeno migratorio diminuíu notablemente nos últimos anos do século XX e primeiros do século XXI.

Como remate deste capítulo, sinalar que esta tendencia negativa parece que se estancou ó entrar no novo século. Así, se analizamos a evolución demográfica a partir do Padrón do ano 1996, observamos un paulatino crecemento da poboación; feito que contrasta coa evolución demográfica da maioría dos municipios, e non só desta provincia, que seguen a perder efectivos demográficos.

Esta tendencia demográfica positiva está a ser continua dende o ano 1996 (4115 hab.) ao ano 2002 (4333 hab.). A partir deste último ano a poboación empezou a aumentar. Foron 4428 habitantes no 2003, 4528 no 2004, 4645 no 2005, 4695 no 2006 e 4979 no 2007.

Algo explicable en primeiro lugar polo xa mencionado descenso do fenómeno migratorio ó que debemos engadir a presenza de inmigrantes no Concello (desta e doutras provincias de España, así como do estranxeiro) sen esquece-lo cambio de mentalidade da poboación, xurdindo un novo gusto pola tranquilidade do mundo rural fronte ó urbano, sen renunciar ás comodidades que este último ofrece, sendo Outeiro de Rei un municipio onde se están asentando moitas familias que buscan calidade de vida nas proximidades á cidade de Lugo.