> Gaioso (Santo Tomé)
Imagen Imagen Parroquia do arciprestado de Narla e da diocese e provincia de Lugo. Delimitada polo Concello de Friol (OE.) e o de Begonte (N.), e polas parroquias de Candai (S.) e Francos (E.); o seu templo parroquial dista 9 km. da capital municipal.

Presenta 21 veciños distribuídos nos tres barrios nos que se divide a parroquia:
- Algar (5 veciños)
- Cachopeiro (5 veciños)
- San Tomé (11 veciños)
Bañada polo río Porto de Sto. Tomé, os seus principais accidentes xeográficos son: o Monte Lourido (636 m.), o Cordal de Porriño (629 m.) e o Cordal do Penedo (579 m.).

En canto ós vestixios histórico-arqueolóxicos, ó Sur da parroquia hai un monte chamado "As Medorras" e no NO. outro chamado "Coto"; ambos están relacionados con civilizacións e lendas de mouros. Concretamente, no primeiro podemos atopar varias mámoas e no segundo, un asentamento castrexo. Ademais é atravesada polo Camiño francés.

> Festividades:

Ata hai uns anos o último domingo de xullo celebrábase a festa da Virxe do Carme e antigamente festexábase tamén o San Blás. Nesta parroquia celebrouse dende o ano 1999 e ata o ano 2010 a Festa da Malla cuxo acto central era a celebración dunha malla tradicional organizada polos veciños desta parroquia.
Concello de Outeiro de Rei
Praza do Concello, núm. 1 - 27150 Outeiro de Rei
Telfs: 982393281 / 982393055 Fax: 982 393 112
Diseño web de Lugonet
 
Esta web utiliza cookies para analizar e mellorar os seus servizos, continuar coa visita supón a súa aceptación. Información sobre o uso de cookies .