Parroquia pertencente ó arciprestado de Narla e a diocese de Lugo. Delimitada polas parroquias de Francos (N.), Candai (OE.), Vicinte e Parada (S.) e Martul (LE.).





Conta con 96 habitantes distribuídos en 5 barrios:

- Aspai (55 veciños) - O Carballal (8 veciños) - A Laxe (1 veciño)

- Province (19 veciños) - Sta. Comba (13 veciños)

Esta parroquia, destacada por ser unha boa zona de pedra granito, alcanza a súa máxima altitude no lugar do Couto de Province (550 m.) e bañan as súas terras os ríos Anoio e Portoprés, así como o arroio Province.

Da súa riqueza arqueolóxica cómpre destaca-la abundante concentración de mámoas (un grupo de 10 - 11 sitas no citado Coto de Province; así como o Castro de Candai, emprazado nos límites entre as parroquias de Candai e Aspai; e, por último, o cruceiro de Santa Comba construído no ano 1897.

Festividades:

O 16 e 17 de setembro en honor a San Cibrao.

Antigamente celebrábanse dúas festas máis:

- A festa dos mozos (o 1 de marzo, día do Anxel)
- A festa das mozas (o 8 de decembro, día da Inmaculada Concepción).