PRESENTADA A IV EDICIÓN DA FEIRA DA ARTESANÍA DE OUTEIRO DE REI

Hoxe, ás 11:00h tivo lugar no Salón de Plenos do Concello de Outeiro de Rei o acto de presentación da IV FEIRA DA ARTESANÍA DE OUTEIRO DE REI, acto presidido polo alcalde, José Pardo Lombao acompañado da Axente de Emprego e Desenvolvemento Local da entidade.

Algúns dos datos que se deron a coñecer son os seguintes:

A FEIRA TERÁ LUGAR O SÁBADO 3/07/2010,COINCIDINDO COAS FESTAS PATRONAIS NA HONRA A “SANTA ISABEL”. OS POSTOS ESTARÁN ABERTOS AO PÚBLICO EN HORARIO DE 12:00 h A 22:00 h.

ESTÁ PREVISTA A PARTICIPACIÓN DE MÁIS DE 80 EXPOSITORES. NA ACTUALIDADE TEÑEN CONFIRMADA A SÚA PARTICIPACIÓN 68 POSTOS DE ARTESANÍA E 14 DE ALIMENTACIÓN.
NA SECCIÓN DE ARTESANÍA HABERÁ PRODUTOS DE OLARÍA, CESTERÍA, ARTESANÍA DA MADEIRA, MONICREQUES,GANCHO E CALCETA, XOIARÍA, COIRO, INSTRUMENTOS DE MÚSICA TRADICIONAL, FERREIRÍA, XABÓNS NATURAIS, BIXUTERÍA, CONFECCIÓN DE TRAXES REXIONAIS, ETC . PARALELAMENTE NA SECCIÓN DE ALIMENTACIÓN PORANSE Á VENDA EMBUTIDOS, MARMELOS, QUEIXOS, DOCES, VIÑOS E LICORES,...

AO LONGO DA XORNADA HABERÁ DEMOSTRACIÓNS EN VIVO DE OFICIOS TRADICIONAIS: DAS CATRO OLERÍAS DE TRADICIÓN DE GALICIA(BUÑO, NIÑODAGUÍA, SOBER E BONXE), UN FERREIRO, UNHA CESTEIRA, UN ARTESÁN DEDICADO Á FABRICACIÓN DE INSTRUMENTOS DE MÚSICA TRADICIONAL SON ALGUNHAS DAS DEMOSTRACIÓNS PREVISTAS PARA ESE DÍA.

PARALELAMENTE, ESTÁN PREVISTOS VARIOS OBRADOIROS DIRIXIDOS A NENOS E RAPACES PERO SEN ESQUECER ÁS PERSOAS MAIORES:

UN DE BARRO, QUE SE SITUARÁ NAS INMEDIACIÓNS DOS OLEIROS E QUE SERÁ GUIADO POR ELES MESMOS

UN OBRADOIRO DE PANADERÍA, CORTESÍA DA PANADERÍA OUSÁ E QUE ESTARÁ SITUADO NAS INMEDIACIÓNS DO POSTO DE VENDA DE PAN EMPRAZADO NO CAMPO DE SANTA ISABEL

UN OBRADOIRO DE BRICONATUREZA, UNHA XINCANA DE XOGOS DINÁMICOS, UN OBRADOIRO DE XOGOS POPULARES; A MAIORÍA DESTAS ACTIVIDADES SITUÁRANSE NO CAMPO DE SANTA ISABEL AÍNDA QUE TAMÉN AT0PAREMOS ALGÚN XOGO TRADICIONAL NA RÚA MANUEL MARÍA

AO LONGO DA XORNADA ESTARÁ ABERTA AO PÚBLICO, AO CARÓN DA CASA CONSISTORIAL , UNHA EXPOSICIÓN DE PINTURA DUN ARTISTA LOCAL, CONCRETAMENTE DE ANXO BARREIRO NADO NA PARROQUIA DE CELA.

IGUALMENTE, VISITARÁ A FEIRA O STAND DA MANCOMUNIDADE DA TERRA CHA PROMOCIONANDO OS RECURSOS TURÍSTICOS DOS MUNICIPIOS DE ABADÍN, CASTRO DE REI, A PASTORIZA, COSPEITO E OUTEIRO DE REI.

NESTA XORNADA ESTÁN PREVISTAS TAMÉN VARIAS ACTUACIÓNS. ASÍ ÁS 12:45 h. ACTUARÁ DIANTE DA CASA CONSISTORIAL A BANDA MUNICIPAL DE MÚSICA; ÁS 13:30 h e ÁS 18:00 h SERÁ A QUENDA PARA A ACTUACIÓN DA AGRUPACIÓN FOLCLÓRICA “AIRIÑOS DO NEIRA” DE BARALLA NO CAMPO DE SANTA ISABEL. O GRUPO DE GAITAS DA ASOCIACIÓN CULTURAL “PENAS DE RODAS” ACTUARÁ A PARTIRES DAS 19:45 h. POLAS RÚAS DO CENTRO, NA RÚA MANUEL MARÍA E NO CAMPO DE SANTA ISABEL.

COMO NAS PASADAS EDICIÓNS, NO CAMPO DE SANTA ISABEL HABERÁ UNHA DEGUSTACIÓN DE CARNE AO CALDEIRO E FILLOAS QUE SERÁ SERVIDA POLO RESTAURANTE “MIÑO”. SERÁN 4500 FILLOAS E 1500 RACIÓNS DE CARNE AO CALDEIRO ACOMPAÑADA DE CACHELOS , 1/2 CHOURIZO , UN BOLIÑO DE PAN E UNHA BOTELLA DE AUGA AS QUE SE POÑAN Á VENDA AO PREZO DE 6€/RACIÓN, PREZO QUE REPRESENTA 2/3 DO CUSTO REAL DO PRATO ( O CONCELLO DE OUTEIRO DE REI SUBVENCIONA O RESTO DO CUSTO).
HABERÁ DÚAS QUENDAS PARA A DEGUSTACIÓN: AO MEDIODÍA EN HORARIO DE 14:00 h A 16:30 h. E POLA NOITE, EN HORARIO DE 20:30 h a 22:30 h.
AS FILLOAS ESTÁ PREVISTO QUE SE FAGAN NUNHA MÁQUINA DE 7 METROS DE DIÁMETRO E DESEÑADA PARA FACER ENTRE 1.300 E 1.500 FILLOAS POR HORA.
NAS INMEDIACIÓNS HABERÁ POSIBILIDADE DE MERCAR PRODUTOS DE PANADERÍA E ESTÁ PREVISTO QUE HAXA UN POSTO DE VENDA DE POLBO.

ÁS 17:30 h SAIRÁ UN BUS TURÍSTICO DAS PROXIMIDADES DA CASA CONSISTORIAL QUE VISITARÁ O MUSEO DA RADIO LOCALIZADO NA CASA DE TURISMO RURAL RIO LADRA, O CAMPO DA FEIRA E AS PENAS DE RODAS EN GAIOSO, A IGREXA DE FRANCOS E O SALTO DO PIAGO NA PARROQUIA DE ROBRA.AS PRAZAS ESTÁN LIMITADAS A UN AUTOCAR E PARA PARTICIPAR NESTA ACTIVIDADE É NECESARIO INSCRIBIRSE PREVIAMENTE NA MESMA NA CASETA DO CONCELLO.

TAMÉN POLA TARDIÑA RESOLVERASE O CONCURSO QUE PREMIA AOS POSTOS MÁIS VISTOSOS DA FEIRA PROMOVIDO POLO CONCELLO DE OUTEIRO DE REI POR TERCEIRO ANO CONSECUTIVO. O OBXECTIVO DESTE CONCURSO É O DE PREMIAR O ESFORZO D@S EXPOSITOR@S POR CONSEGUIR QUE OS SEUS POSTOS RESULTEN ATRACTIVOS PARA VISITANTES E CONSUMIDORES, CONTRIBUÍNDO ASÍ A CREAR UNHA FEIRA AGRADABLE E ATRACTIVA.

UNA NOVIDADE DESTA EDICIÓN É A DISTRIBUCIÓN GRATUÍTA, ATA ESGOTAR EXISTENCIAS (300 UNIDADES), DUN PRATO REALIZADO NA OLARÍA DE BONXE CONMEMORATIVO DA FEIRA E QUE PORÁ SER RECOLLIDO NA ZONA DOS OLEIROS.

O PECHE DA FEIRA TERÁ LUGAR ÁS 00,30 h. CUNHA ESPECTACULAR SESIÓN DE FOGOS DE ARTIFICIO A CARGO DA EMPRESA “PIROTECNIA ASTARIZ” NAS INMEDIACIÓNS DA CASA CONSISTORIAL.

» descargar cartel e programa

« Volver