O Concello de Outeiro de Rei estará esta fin de semana na Milagrosa

Os días 28, 29 e 30 de maio o Concello de Outeiro de Rei estará novamente na Praza da Milagrosa durante a Feira de Artesanía e Produtos do Campo que se celebra neste barrio lucense.

Como en pasadas edicións, as persoas que acudan á caseta do Concello poderán facer un rápido recorrido visual por unha boa parte dos recursos turísticos de Outeiro de Rei a través do material gráfico e audiovisual instalado a tal efecto; igualmente, poderán participar no concurso de varias comidas en establecementos do municipio, concurso co que se pretende promocionar a importante oferta hostaleira de Outeiro de Rei.

Esta ano haberá tamén o taller de alfarería que guiado por Pepa Lombao, permitirá a todos os nenos e nenas que o desexen gozar a experiencia de traballar co barro.