Outeiro de Rei é atravesado pola N-VI, Madrid- A Coruña e tamén pódese acceder a el facilmente a través da autovía A-6 (Madrid- A Coruña km. 507). Así mesmo, conta cun bo número de pistas e estradas secundarias que permiten que a comunicación dentro de Outeiro de Rei sexa fácil e rápida.

Polo que respecta ó transporte de viaxeiros, existen varias empresas de autobuses que teñen paradas en varios puntos do Concello e ademais hai dous servizos de taxi con parada en San Xoán de Outeiro de Rei.

Por último, mencionar que a liña de ferrocarril Palencia-Coruña tamén percorre o concello, situándose a parada máis próxima, tanto para transporte de viaxeiros como de mercancías, no concello de Rábade.

As distancias ás principais cidades do seu entorno (tomando como referencia a capitalidade do Municipio) son:

Cidade	Distancia
A Coruña	79 Km.
Ferrol	84 Km.
Lugo	12 Km.
Ourense	101 Km.
Oviedo	226 Km.
Pontevedra	147 Km.
Santiago de Compostela	97 Km.
Vigo	170 Km.